ਬਠਿੰਡਾ ਦੇ ਇਸ ਬਜ਼ੁਰਗ ਜੋੜੇ ਨੇ ਕੱਲ ਮਨਾਈ 100ਵੀਂ ਵਰ੍ਹੇਗੰਢ,ਅੱਜ ਹੋਈ ਬਜ਼ੁਰਗ ਬਾਬੇ ਦੀ ਮੌਤ

ਬਠਿੰਡਾ ਦੇ ਇਸ ਬਜ਼ੁਰਗ ਜੋੜੇ ਨੇ ਕੱਲ ਮਨਾਈ 100ਵੀਂ ਵਰ੍ਹੇਗੰਢ,ਅੱਜ ਹੋਈ ਬਜ਼ੁਰਗ ਬਾਬੇ ਦੀ ਮੌਤ:ਬਠਿੰਡਾ ਦੇ 120 ਸਾਲਾਂ ਬਜ਼ੁਰਗ ਜੋੜੇ ਨੇ ਕੱਲ ਆਪਣੇ ਵਿਆਹ ਦੀ100ਵੀਂ ਵਰ੍ਹੇਗੰਢ ਮਨਾਈ ਸੀ ਪਰ ਅੱਜ ਉਸ ਬਜ਼ੁਰਗ ਬਾਬੇ ਦੀ ਮੌਤ ਹੋ ਗਈ ਹੈ।

ਬਠਿੰਡਾ ਦੇ ਪਿੰਡ ਹਰਰੰਗਪੁਰਾ ਦੇ ਭਗਵਾਨ ਸਿੰਘ ਦੀ ਉਮਰ 120 ਸਾਲ ਸੀ ਜਦ ਕਿ ਪਤਨੀ ਦਾ ਨਾਂ ਧਨ ਕੌਰ,ਜਿਨ੍ਹਾਂ ਦੀ ਉਮਰ 122 ਸਾਲ ਹੈ।ਇਨ੍ਹਾਂ ਦੋਵਾਂ ਨੇ ਕੱਲ ਅਪਣੇ ਵਿਆਹ ਦੀ 100ਵੀਂ ਵਰ੍ਹੇਗੰਢ ਮਨਾਈ ਸੀ।ਹਾਲਾਂਕਿ ਭਗਵਾਨ ਸਿੰਘ ਸਰਕਾਰੀ ਦਸਤਾਵੇਜ਼ ਅਨੁਸਾਰ 118 ਸਾਲ ਦੇ ਹਨ।ਆਧਾਰ ਕਾਰਡ ‘ਤੇ ਉਨ੍ਹਾਂ ਦੀ ਮਿਤੀ 1 ਜਨਵਰੀ 1900 ਹੈ।ਲੇਕਿਨ ਉਨ੍ਹਾਂ ਦਾਅਵੇ ਦੀ ਮੰਨੀਏ ਤਾਂ ਉਨ੍ਹਾਂ ਦਾ ਜਨਮ 1898 ਵਿਚ ਹੋਇਆ ਅਤੇ ਉਨ੍ਹਾਂ ਦੀ ਪਤਨੀ ਧਨ ਕੌਰ ਦਾ ਜਨਮ 1896 ਵਿਚ ਹੋਇਆ।ਆਜ਼ਾਦੀ ਤੋਂ ਪਹਿਲਾਂ ਪੇਂਡੂ ਇਲਾਕਿਆਂ ਵਿਚ ਜਨਮ ਦੇ ਚਲਦਿਆਂ ਉਨ੍ਹਾਂ ਦੀ ਉਮਰ ਦਾ ਕੋਈ ਸਰਟੀਫਿਕੇਟ ਨਹੀਂ ਹੈ।ਲੇਕਿਨ ਇਨ੍ਹਾਂ ਦੇ ਬੱਚਿਆਂ ਦੀ ਉਮਰ ਦੇਖਕੇ ਅਤੇ ਪਿੰਡਾਂ ਦੇ ਬਜ਼ੁਰਗਾਂ ਦੀ ਗੱਲਾਂ ਸੁਣ ਕੇ ਉਨ੍ਹਾਂ ਦਾ ਦਾਅਵਾ ਸਹੀ ਲੱਗਦਾ ਹੈ।ਭਗਵਾਨ ਸਿੰਘ ਅਤੇ ਧਨ ਕੋਰ ਦੀ 5 ਧੀਆਂ ਅਤੇ ਇੱਕ ਪੁੱਤਰ ਹੈ।ਸਭ ਤੋਂ ਵੱਡੀ ਧੀ 90 ਸਾਲ ਦੀ ਹੈ ਜਦ ਕਿ ਸਭ ਤੋਂ ਛੋਟਾ ਪੁੱਤਰ 55 ਸਾਲ ਦਾ ਹੈ।ਭਗਵਾਨ ਸਿੰਘ ਦੇ ਬੇਟੇ ਨੱਥਾ ਸਿੰਘ ਦਾ ਕਹਿਣਾ ਹੈ ਕਿ ਪਿਤਾ ਦਾ ਜਨਮ 1898 ਦਾ ਹੈ ਜੋ ਸ਼ੁਰੂ ਤੋਂ ਹੀ ਨਸ਼ਾ ਰਹਿਤ ਜੀਵਨ ਦੇ ਨਾਲ ਸਾਦਾ ਖਾਣਾ ਹੀ ਖਾ ਰਹੇ ਹਨ।ਨੱਥਾ ਦਾ ਕਹਿਣਾ ਹੈ ਕਿ ਬੇਸ਼ੱਕ ਉਨ੍ਹਾਂ ਦੇ ਪਿਤਾ ਹੁਣ ਠੀਕ ਤਰ੍ਹਾਂ ਬੋਲ ਨਹੀਂ ਸਕਦੇ ਸਨ ਲੇਕਿਨ ਉਨ੍ਹਾਂ ਨੇ 100 ਦੀ ਉਮਰ ਤੱਕ ਮਾਂ ਦੇ ਨਾਲ ਖੇਤਾਂ ਵਿਚ ਕੰਮ ਕੀਤਾ ਹੈ।ਉਹ ਹਮੇਸ਼ਾ ਹੀ 1947 ਦੀ ਵੰਡ ਨੂੰ ਯਾਦ ਕਰਕੇ ਮਾਯੂਸ ਹੋ ਜਾਂਦੇ ਸਨ।ਉਨ੍ਹਾਂ ਨੇ ਹਮੇਸ਼ਾ ਸਕਾਰਾਤਮਕ ਸੋਚ ਹੀ ਰੱਖੀ ਹੈ।ਪਰਿਵਾਰ ਵਿਚ ਇਸ ਸਮੇਂ 12 ਲੋਕ ਹਨ।ਭਗਵਾਨ ਸਿੰਘ ਅਤੇ ਧਨ ਕੌਰ ਚੌਥੀ ਪੀੜ੍ਹੀ ਨੂੰ ਦੇਖ ਕੇ ਗੁਜ਼ਰ ਗਏ ਹਨ।ਬੇਟੇ ਨੱਥਾ ਸਿੰਘ ਦਾ ਪਰਿਵਾਰ ਹੈ,ਜਿਸ ਦੀ ਪਤਨੀ,ਦੋ ਬੇਟੇ, ਦੋ ਨੂੰਹਾਂ ਅਤੇ ਚਾਰ ਪੋਤੇ-ਪੋਤੀਆਂ ਹਨ।